Eðlisþyngd

Eðlisþyngd er mælikvarði á þéttleika hlutar eða efnis, táknuð með γ. Er margfeldi eðlismassa og þyngdarhröðunar, þ.e.

$\gamma =\rho g,$

þar sem ρ er eðlismassi og g er þyngdarhröðun.

SI-mælieining er njúton á rúmmetra (N/m³). Er háð þyngdarhröðun og því ekki efniseiginleiki eins og eðlismassi.

Getur einnig átt við hlutfallslega eðlisþyngd (enska Specific gravity), sem er hlutfall eðlisþyngda efnis og vatns og er því einingarlaus stærð, þ.a. hlutfallsleg eðlisþyngd vatns er „1“. Er oftast mæld með flotmæli í vökvum.