Segulmagn

Segulmagn eða seglun er sá eiginleiki sumra efna að mynda segulsvið. Hlutir úr slíku efni kallast seglar.

Stærðfræðileg skilgreinig

Segulmagn M hlutar er vigurstærð og á við fjölda segultvískauta m á rúmmálseiningu:

M = N m/V,

þar sem N táknar fjölda segultvískauta í rúmmálseiningunni V. Síseglar hafa fast segulmagn, en sumir hlutir mynda segulmagn þegar á þá verkar ytra segulsvið.

Tengsl eru milli vigra segulsviðsstyrks B og H og segulmagns þannig að

$𝐁={\mu }_0(𝐇+𝐌),$

þar sem μ₀ er segulsvörunarstuðull lofttæmis.

Vigrarnir M og H eru innbyrðist háðir:

$𝐌={\chi }_m𝐇,$

þar sem χ er einingarlaus stærð, s.n. segulviðtak og lýsir hvernig hlutur bregst við ytra segulsviði. Segulviðtak getur ýmist verið jákvætt (samseglun), eða neikvætt(mótseglun).

Því má einnig rita:

$𝐁={\mu }_0(1+{\chi }_m)𝐇,$

eða

$𝐁=\mu 𝐇,$

þar sem $\mu ={\mu }_0(1+{\chi }_m)$ er segulsvörunarstuðull.

Sjá einnig

• Járnseglun
• Mótseglun
• Samseglun