Eðlismassi

Eðlismassi, stundum nenfdur (eðlis)þéttleiki, er hlutfall massa og rúmmáls fyrir efni sem er samleitt í því magni sem til athugunar er, táknaður með gríska stafnum hró (ρ). SI-mælieining er kílógramm á rúmmetra (kg/m³).

Skilgreining:

$\rho =\frac{m}{V}$

þar sem $m$ er massinn en $V$ rúmmál.

Eðlismassi efnis er eðliseiginleiki, en er háður ástandi efnisins, s.s. hita og þrýstingi. Þetta á einkum við efni í gasham.