Ferflötungur

Reglulegur ferflötungur, með allar hliðar jafn langar.

Ferflötungur, fjórflötungur (einnig þrístrend strýta eða þrístrendur píramídi) er margflötungur með þríhyrndar hliðar og þríhyrndan grunnflöt. Ferflötungur er sagður reglulegur þegar allir kantar hans eru jafn langir.

Formleg skilgreining

Látum ∆ABC vera þríhyrning á sléttu og D vera einhvern punkt sem ekki er í sléttunni. Þá eru þrjár sléttur til sem skera hverja hlið þríhyrningsins og D. Þríhyrningarnir ∆ABC, ∆ABD, ∆ACD og ∆BCD mynda þá ferflötung. Ef allir þríhyrningarnir eru jafnir nefnist ferflötungurinn reglulegur fjórflötungur eða platónskur.

Rúmmál

Rúmmál R ferflötungs má reikna þannig:

$R=\frac{1}{3}Fh,$

þar sem F er flatarmál grunnflatarins og h er hæðin frá grunnfletinum upp í toppinn.

Orðið pýramídi er oft notað um ferflötung.