Ósamþátta

Tölurnar $4$ og $9$ eru ósamþátta og því sker lína á milli þeirra enga punkta í punktagrind.

Tvær heiltölur $a$ og $b$ þykja ósamþátta eða ósamþættar ef stærsti samdeilir þeirra er einn ($\mathrm{ssd}(a,b)=1$) en það er stundum táknað með rithættinum $a\perp b$. Dæmi um tölur sem eru ósamþátta eru $9$ (þáttað $3\cdot 3$) og $20$ (þáttað $2^2\cdot 5$) þar sem þær hafa engan sameiginlegan þátt en $8$ (þáttað $2^3$) og $20$ ($2^2\cdots 5$) eru hins vegar samþátta þar sem þær deila þættinum $2^2$. Talan einn er ósamþátta öllum heiltölum og því er $\mathrm{ssd}(a,1)$ alltaf jafnt og 1 þegar $a$ er heiltala.

Almennt brot af gerðinni $\frac{p}{q}$ þar sem $p$ og $q$ eru ósamþátta heiltölur telst vera fullstytt brot. $\varphi$-fall Eulers $\varphi (n)$ skilar fjölda heiltalna sem eru ósamþátta $n$.

Nota má keðjudeilingu (reiknirit Evklíðs) til að ákvarða hvort tvær tölur séu ósamþátta.