Skriðþungi

Skriðþungi eða hreyfimagn er mælikvarði á tregðu hlutar á hreyfingu við breytingar á hraða, þ.e. ferð og stefnu. Oft táknaður með p. SI-mælieining: kg ms^-1 eða N s.

Skilgreining á skriðþunga p:

p := m v,

þar sem m er massi hlutar og v hraðavigur.

Annað lögmál Newtons skilgreinir kraft, sem verkar á hlut, sem fyrstu tímaafleiðu skriðþungans þ.e.

$𝐅=\frac{\mathrm{d}𝐩}{\mathrm{d}t}$

Varðveisla skriðþunga

Þegar enginn ytri kraftur verkar á kerfi þá verður engin tímabreyting á skriðþunga og hann er því varðveittur. Þetta nýtist í eldflaugum þannig að þær losa sig við hluta af farminum og minnka þar með massann, en vegna varðveislu skriðþungans eykst þá hraðinn að sama skapi.

Sjá einnig

• Hverfiþungi